‘Bwyd a Hwyl' Rhaglen Gwella Gwyliau’r Haf (SHEP)

‘Cydweithio i helpu ysgolion i fwydo plant, hybu byw’n iach a darparu profiadau dysgu cymdeithasol yn ystod gwyliau ysgol’

Beth yw SHEP?

Rhaglen ar gyfer ysgolion yw SHEP sy’n darparu prydau iach, addysg am fwyd a maeth, gweithgareddau corfforol a sesiynau cyfoethogi i blant mewn ardaloedd o amddifadedd cymdeithasol yn ystod gwyliau’r haf. ‘Bwyd a Hwyl’ yw’r enw brand a ddefnyddir ar lefel leol i hyrwyddo’r clybiau ymysg plant a theuluoedd.

Yn 2016, cyflwynodd Cymdeithas Llywodraeth Leol Cymru (CLlLC) y model SHEP fel arbrawf mewn 10 ysgol ledled y wlad, gan weithio gyda phum awdurdod lleol a thri bwrdd iechyd lleol. Prifysgol Caerdydd a oedd yn gyfrifol am y gwerthuso a argymhellir ‘Cyflwyno’r model yn ehangach er mwyn deall y manteision addysgol ac iechyd i blant a’u teuluoedd mewn cyd-destunau gwahanol’.  Yn 2017, aeth Llywodraeth Cymru ati i ariannu’n rhannol y broses o gyflwyno’r rhaglen i 38 o glybiau mewn 12 awdurdod lleol a phob un o’r saith bwrdd iechyd lleol. Mae rhagor o gyllid wedi’i neilltuo yn 2018/19 a 2019/20 fel rhan o gyllideb ddrafft Llywodraeth Cymru i ehangu’r rhaglen er budd rhagor o blant a theuluoedd ledled Cymru.

Pam y mae angen SHEP?

Gan nad yw brecwast na chinio ar gael yn rhad ac am ddim yn ystod gwyliau’r haf, fe fydd rhai plant yn dioddef am na all eu teuluoedd fforddio bwyd maethlon. Ar ben hynny, bydd rhai plant yn dioddef yn sgil cael eu hynysu’n gymdeithasol ac o’r diffyg symbyliad deallusol sydd ar gael yn yr ysgol neu trwy weithgareddau’r teulu fel arfer. Gall hynny amharu ar eu cyrhaeddiad addysgol.

Mae ansicrwydd ynglŷn â bwyd yn mater sy'n tyfu yng Nghymru, a'r DU fel y cyfan. Yn 2016 nodwyd gan y Sefydliad Polisi Cyhoeddus i Gymru bod hyn yn polisi blaenoriaeth mawreddog, yn ogystal â methu â defnyddio cyfleusterau ysgolion i’r eithaf i gynnig gwasanaethau cymunedol, a llesiant emosiynol plant ysgolion cynradd.

Mae SHEP yn ymgorffori egwyddorion Deddf Llesiant Cenedlaethau’r Dyfodol (Cymru) 2015 ac yn cyfrannu at gyflawni’r nodau llesiant [GT1]. Gall Byrddau Gwasanaethau Cyhoeddus ddangos gweithgarwch datblygu cynaliadwy a sicrhau amrywiaeth eang o fanteision drwy gyflwyno SHEP yn eu hawdurdod lleol.

Beth yw prif fanteision SHEP?

  1. Plant mwy egnïol
  2. Gwella deiet plant
  3. Mae plant yn gwneud ffrindiau newydd ac yn cael hwyl
  4. Mae plant yn dysgu ac yn ymgysylltu â’r ysgol
  5. Helpu rhieni i dalu am gostau gwyliau ysgol
  6. Gwella iechyd a llesiant rhieni
  7. Mae rhieni yn dysgu sgiliau newydd
  8. Cynnwys y teulu cyfan
  9. Cydweithio rhwng asiantaethau
  10. Cynnwys plant yn y broses o wneud penderfyniadau
  11. Defnyddio cyfleusterau a staff ysgolion presennol
  12. Hyrwyddo ymgysylltu â’r gymuned
  13. Cynnig gwaith cyflogedig a gwirfoddol
  14. Tynnu sylw at wasanaethau eraill

Sut alla i gael rhagor o wybodaeth?

Mae SHEP wedi cael sylw gan lawer o wleidyddion, cynghorwyr, awdurdodau lleol, byrddau iechyd lleol, penaethiaid, llywodraethwyr ysgol, asiantaethau a rhieni. Mae gan bob awdurdod lleol grŵp llywio a Chydgysylltydd SHEP. I gael rhagor o wybodaeth, cysylltwch â Christina Powdrill, Gydgysylltydd Cenedlaethol SHEP CLlLC ar 029 2046 8678 neu e-bostiwch christina.powdrill@wlga.gov.uk


Dolenni: Canlyniadau SHEP Cymru 2016 - Prifysgol Caerdydd / Cymru sy'n addas ar gyfer plant - Comisiynydd Plant Cymru / Beth yw ‘Bwyd a Hwyl’ SHEP? / Cyflwyno SHEP Cymru – Gareth Thomas / Cyd-destun y DU - Lindsay Graham

  About

Mae Cymdeithas Llywodraeth Leol Cymru (WLGA) yn cynrychioli buddiannau byd llywodraeth leol ac yn hyrwyddo democratiaeth leol yng Nghymru.

  Cysylltwch â ni
   Cymdeithas Llywodraeth Leol Cymru

Tŷ Llywodraeth Leol
Rhodfa Drake
Caerdydd, CF10 4LG

Ffôn : 029 2046 8600
E-bost : enquiry@wlga.gov.uk
Oriau busnes : Llun - Iau 8:30 - 5:00, Gwen - 08:30 - 16:30