Rhaglen Gwella Gwastraff

Mae’r Rhaglen Gwella Gwastraff yn cael ei hariannu gan Lywodraeth Cymru o dan adain Cymdeithas Llywodraeth Leol Cymru (WLGA). Ar hyn o bryd, y tîm yw:

  • Craig Mitchell, Pennaeth Cefnogi Gwastraff
  • Jonathan Roberts, Swyddog Gwella - Gwstraff
  • Barry Williams, Cynorthwyydd Gwella - Gwastraff
  • Eve Swindley, Uwch Swyddog Cymorth

Ers 2007 mae’r Rhaglen Gwella Gwastraff wedi bod yn gweithio gyda’r awdurdodau lleol i’w helpu i wella perfformiad ac effeithlonrwydd eu gwasanaethau gwastraff yn unol â phedwar amcan craidd: tystiolaeth, effeithlonrwydd, gwella perfformiad a chyflawni egwyddorion cynaliadwy ehangach.

Prif rôl y rhaglen yw:

  • casglu, dilysu a dadansoddi data perfformiad allweddol, gan ymateb i anghenion Llywodraeth Cymru a’r awdurdodau lleol sy’n bartneriaid;
  • cyhoeddi’r data mewn ffordd sy’n gofalu y bydd yn hawdd i’w ddefnyddio ac yn gwneud y gorau o’r data yma er mwyn gwella gwasanaethau;
  • bod yn sylfaen ar gyfer cynlluniau a phenderfyniadau o ran gwasanaethau effeithiol ac effeithlon ledled y 22 awdurdod lleol drwy ledaenu’r data hwnnw yn gyson mewn achlysuron rhanbarthol, rhwydweithiau a phyrth ar y we (Canolfan Meincnodi Gwastraff);
  • datblygu offer ac adnoddau fydd yn gwneud gwahaniaeth mewn gwasanaethau rheng flaen;
  • caniatáu caffael ar y cyd gan gynnwys cydweithredu; a
  • cefnogi gweithgareddau’r Rhaglen Newid Gydweithredol.

Yn ystod y blynyddoedd diwethaf hyn, mae Rhaglen Gwella Cymru wedi cefnogi gwelliannau mewn gwasanaethau gwastraff ledled Cymru, gyda’r canlyniadau hyn:

  • Cynnydd cyffredinol o ran ailddefnyddio, ailgylchu a chompostio, 60.02% ar gyfer Cymru yn ystod 2015/16, i fyny o 56.2% yn ystod 2014
  • Cynnydd mewn casgliadau gwastraff bwyd, 4,883 o dunnelli yn fwy yn ystod 2015/16 (sef cynnydd o 5.7%)
  • Cynnydd mewn casgliadau deunydd ailgylchu sych (plastigau, papurau newyddion ac ati), 13,710 o dunnelli yn ystod 2015/16 (cynnydd o 4.8%)
  • Gostyngiad yng nghost gwasanaethau gwastraff gweddilliol, sef lleihad o 8.4% (£7.5m) yn ystod 2015/16 hyd £83m

Dolenni: letsrecycle.com


Mae rhagor o wybodaeth gan: Barry Williams

  About

Mae Cymdeithas Llywodraeth Leol Cymru (WLGA) yn cynrychioli buddiannau byd llywodraeth leol ac yn hyrwyddo democratiaeth leol yng Nghymru.

  Cysylltwch â ni
   Cymdeithas Llywodraeth Leol Cymru

Tŷ Llywodraeth Leol
Rhodfa Drake
Caerdydd, CF10 4LG

Ffôn : 029 2046 8600
E-bost : enquiry@wlga.gov.uk
Oriau busnes : Llun - Iau 8:30 - 5:00, Gwen - 08:30 - 16:30