Mewn ymateb i gyhoeddi adroddiad Modiwl 1 o’r Ymchwiliad Covid-19 y DU, dywedodd Arweinydd CLlLC, y Cynghorydd Andrew Morgan OBE:

“Ar ran llywodraeth leol yng Nghymru, diolchwn i’r Farwnes Hallett am ei gwaith yn adlewyrchu ar ein profiadau yn ymateb i’r pandemig. Wrth galon Ymchwiliad Covid-19 y DU mae’r goroeswyr a’r teuluoedd sydd wedi colli anwyliaid. Mae’r adroddiad heddiw yn gyfraniad sylweddol i’n helpu i ddysgu o’r profiad hwnnw ac i sicrhau y bydd y DU yn fwy parod yn y dyfodol.

“Trwy gynrychiolaeth gan Gymdeithas Llywodraeth Leol Cymru, ystyriwyd gan yr ymchwiliad brofiadau ein cynghorau cyn ac yn ystod y pandemig, ac wedi arwain at yr argymhellion yma.

“Mae llywodraeth leol yng Nghymru wastad wedi gweithio â phartneriaid i gefnogi ac amddiffyn cymunedau lleol. Rydyn ni’n croesawu bod yr ymchwiliad wedi adnabod yr angen am ddull aml-asiantaeth effeithiol tuag at gynllunio am unrhyw bandemig yn y dyfodol. Mae gan gynghorau gymaint i’w gyfrannu at barodrwydd a gwytnwch a byddant yn parhau i chwarae eu rhan i helpu i weithredu’r canfyddiadau.

“Byddwn yn ystyried yn ofalus yr argymhellion a amlinellir yn yr adroddiad, ac ymagweddau at barodrwydd a chynllunio i’r dyfodol.”

DIWEDD -