Roedd Cymdeithas Llywodraeth Leol Cymru (CLlLC) yn falch o gefnogi a chymryd rhan yng Ngwobrau Plant Gwasanaeth cyntaf Cymru, digwyddiad pwysig a gynhaliwyd ddydd Sadwrn 28 Hydref.

Wedi’i threfnu gan CIC Gwobrau’r Cyn-filwyr mewn cydweithrediad â SSCE Cymru, a’i noddi gan Gyngor Powys, General Dynamics, YourNorth, a Forces Fitness, cynhaliwyd y seremoni wobrwyo yn Ysgol Frwydr y Troedfilwyr yn Aberhonddu. Ategwyd yr achlysur ymhellach gan gefnogaeth timau ymgysylltu’r Fyddin a’r Awyrlu Brenhinol, a oedd yn cynnwys perfformiad ysblennydd gan fand uchel ei barch Tywysog Cymru.

Yn ogystal â’r gwobrau, roedd y digwyddiad yn dathlu llwyddiannau ysgolion yng Nghymru sydd wedi ennill statws Aur Ysgol Gyfeillgar y Lluoedd Arfog Cymru.

Dywedodd Llefarydd WLGA dros Addysg, y Cynghorydd Ian Roberts:

“Mae Cymdeithas Llywodraeth Leol Cymru yn estyn llongyfarchiadau gwresog i bawb haeddiannol yn y rownd derfynol. Roedd y dathliad yn destament gwirioneddol i gyfraniadau ac aberth arbennig y plant gwasanaeth yn ein cymuned, ac roedd yn anrhydedd i ni gael rhannu yn yr achlysur arbennig hwn.

Edrychwn ymlaen at gydweithio a chefnogaeth barhaus i fentrau sy’n anrhydeddu ac yn dyrchafu ein cymuned filwrol.”