Mae CLlLC wedi talu teyrnged i'w Llefarydd Addysg, Cynghorydd Ian Roberts, wrth iddo sefyll lawr fel Arweinydd Cyngor Sir y Fflint.

Mae Cynghorydd Roberts wedi gweithio fel cynghorydd am dros 30 mlynedd. Cafodd ei ethol yn arweinydd yr awdurdod yn 2019 ac Llefarydd Addysg CLlLC ers 2020. 

Dywedodd y Cynghorydd Andrew Morgan OBE, Arweinydd CLlLC:

“Ar ran CLlLC, hoffwn ddiolch i Ian am ei gyfraniad mawr i lywodraeth leol yn Sir y Fflint a ledled Cymru. 

"Yn ei rôl fel Llefarydd Addysg CLlLC, mae Ian wedi defnyddio ei brofiad helaeth yn addysg i helpu i ddylanwadu ar bolisi ledled Cymru. Chwaraeodd ran allweddol yn ein hymateb i’r pandemig Covid ac wrth geisio lliniaru’r effeithiau ar ddisgyblion a dysgu.

“Mae Ian bob amser wedi gwasanaethu ei gymuned yn Sir y Fflint gyda balchder. Does gen i ddim amheuaeth y bydd yn parhau i wneud hynny yn ei ymdrechion yn y dyfodol.”